LAOAG CITY –Inkiddaw ti abogado ni dati a Presidente Rodrigo Duterte iti International Criminal Court (ICC) nga amendaran ti electronic court protocol da.
Madanagan dagitoy iti panagado dagiti ebidensia iti kaso a saan a maitunos ken mabalin nga awan ti serbina.
Iti pannakaipila da idi Setiembre 3, 2026, inbatad ti defense team a madanagan da ti panagado dagiti ebidensia gapu ta mabalin a maapektaran ti kalidadken kinaado dagiti materyales a naisubmitir sakbay ti pormal a panangusig.
Manipud iti dati a 5,000 nga items sakbay ti confirmation stage ket immado daytoy iti 25,000 ken adda pay manamnama a mainayon a datos.
Dagiti dokumento ti mangbukel iti paset ti panangusig iti kaso iti ICC a pakairamanan ni Duterte no sadinno a sumangsango daytoy iti pannakatay kadagiti indibidual iti ant-drug campaign daytoy.
