LAOAG CITY – Inakusaran ti kampo ni dati a President Rodrigo Duterte ti International Criminal Court (ICC) Prosecutors ti pananggandat ti back-door appeal tapno biagen ti hurisdiksiyon ti korte iti Pilipinas, uray nagikkat daytoy idi pay 2019.
Iti innem a pinanid a dokumento a naisumitir iti ICC Appeals Chamber, inkalintegan ti lead counsel ni Duterte a ni Nicholas Kaufman a maipagarop nga ipapayan ti prosekusyon ti sabali a kaipapanan ti usto nga interpretasyon ti linteg tapno aturen ti bukod a pannakapaay tapno mangiyuswat ti imbestigasyon kabayatan a miyembro pay ti Pilipinas.
Kunana a ti pannakapaay a malukatan ti imbestigasyon sakbay a nagikkat ti maysa a pagilian manipod iti International Criminal Court ket nakadepense kadagiti Prosecutor.
Gapu iti daytoy, kuna ni Kaufman a masapol nga awaten ti prosecutor a saanen a magun-od ti pagsungsungbatan iti babaen ti panangbaliktad iti umiso nga interpretasyon ti linteg ken saan a rumbeng a makaperdi iti kerbengan ti suspek a dumalan iti umiso a proseso ti linteg.
Ti nasao a dokumento ket ti kiniddaw ti kampo ni Duterte a mangsungbat kadagiti kasapulan nga argumento ti prosekusyon a mangkarkarit iti hurisdiksiyon ti International Criminal Court.
Basar iti counsel ti dati a presidente, agtultuloy nga ikalkalintegan ti prosekusyon a mabalin nga ipetteng ti International Criminal Court ti hurisdiksiyon na uray nagikkaten ti maysa a pagilian iti Rome Statute, iti baet pay ti immuna a ruling ti Pre-Trial Chamber a mabalin nga awanen ti hurisdiksiyon ti korte no ti maysa nga state party ket saanen a miyembro ti statute idi rugyan ti Prosecutor ti imbestigasyon.
