LAOAG CITY – Mamati ti kampo ni Kingdom of Jesus Christ leader Apollo Quiboloy a dagiti kaso a sangsangoenna a child and sexual abuse a naipila iti Quezon City Regional Trial Court Br. 106 ket maibasura.
Inbatad ni Atty. Israelito Torreon a saan pay a nalpas ti panagdengngeg gapu iti adu nga ebidensia ti saan pay a namarkaan kas ti kaso a naipila ken ni Quiboloy idi 2020 iti Davao City Prosecutors Office ket sigurado a maibasura met ti kaso a naipila iti Quezon City Regional Trial Court.
Naituding inton Oktubre 2 ti pre-trial iti kaso a child and sexual abuse kontra ken ni Quiboloy idinto a ti panagdengngeg iti qualified human trafficking case ket inton Oktubre 17.
