LAOAG CITY – Inpetteng ti kampo ni Senador Chiz Escudero a legal ti donasion nga inawat ti senador manipud iti maysa a contractor idi 2022 elections.
Nangisubmitir ti counter-affidavit ti agpanpanday linteg iti babaen ti abugadona tapno agpalawag mainaig iti ₱30 milyon campaign donation nga inawat ni Escudero manipud iti contractor a ni Lawrence Lubiano, Presidente ti Centerways Construction and Development Inc.
Inbatad ni Atty. Ramon Esguerra, legal counsel ni Escudero, nalawag ti takderna a ti donasion ket legal ken daytoy ket indeklarar a buo maiyataday iti nakadawyan ken pagannurotan iti eleksion.
Kumpiansa ti kampo ni Escudero a kumanunong iti linteg kadakuada ken awan ti makita a panaglabsing ditoy ti Commission on Elections (COMELEC).
Ti sungbat ti senador ket kas sungbat iti inruar a show-cause order ti Commission on Elections tapno sungbatan ti donasion nga inawat idi eleksion manipud iti contractor a karaman iti top 15 a dinakamat ni Presidente Ferdinand “Bongbong” Marcos Jr. a nakaala ti kaaduan ken kwestionable a proyekto para iti flood control.
