LAOAG CITY – Naan-anay a nakasagana ti legal team ni Vice President Sara Duterte tapno sumango iti impeachment trial iti senado.
Daytoy ket kalpasan nga inaprubaran ken inyendorsar ti kamara de representantes ti pannakaiyuli iti senado ti Articles of Impeachment kontra iti bise presidente.
Iti statement, inpetteng ti kampo ni Duterte a ti development ket kaipapanan ti pannakaipabaklay kadagiti mangak-akusar iti bise presidente a mangpaneknek kadagiti alegasyon da kas maiyallubog iti konstitusyon, iti linteg ken ti pagannurutan maipapan iti ebidensya.
Innayon ti kampo ni Duterte a kabayatan a naka-pending paylaeng ti panangkwestyunr da ti constitutional significance iti Korte Suprema, inpasigurado da a nakasagana da a mangdependar iti bise presidente iti senado kas Impeachment Court.
