LAOAG CITY – Nangipila ti kampo ni Bise Presidente Sara Duterte ti motion to quash iti kaso a grave threats nga inpila kenkuana ti Department of Justice iti Quezon City Regional Trial Court.
Kinuna ni Prosecutor-General Richard Fadullon a naawat ti korte ti mosion manipud iti depensa ni VP Duterte.
Inpaayan met ti korte ti prosekusion iti 5 nga aldaw a mangisubmitir kadagiti komento sakbay a desisionan wenno solbaren ti Korte daytoy.
Nupay kasta, nainget a linawlawagan ni Fadullon a saan nga immune from suit ti bise presidente iti daytoy a klase ti kaso kriminal.
Daytoy ket gapu iti kontrobersial a palawag ni VP Duterte idi 2024 no sadino a maipagarup nga dd imbilinna nga hitman a mangpapatay kada Presidente Ferdinand Marcos Jr., First Lady Liza Araneta-Marcos, ken dati a House Speaker Martin Romualdez no adda madi a mapasaak kadaytoy.
Iti agdama, addan iti korte no ma-dismiss wenno ituloyda ti panangusig.
