LAOAG CITY – Inlawlawag ni Doctor Allan Taylan no ania ti mabalin a komplikasyon ti sakit a kamuras no mabaybay-an.
Karaman ditoy ti sakit a Pneumonia, bronchitis, agbulsek, aglitteg ti utek, agimpeksyon ti lapayag ken dadduma pay.
Malaksid ti daytoy, possible nga ipatay pay ti maysa a tao kangrunaan na dagiti ubbing no mabaybay-an ti sakit na a kamuras.
Immunan nga inbatad ni Taylan a dagiti ubbing a nabakunaan kontra ti kamuras ket ad-adayo laeng a maapektaran da ti nasao a sakit.
Gapu ti daytoy, binabalaw ni Taylan ti gobierno gapu ta ibilang na a nakurang ti panangimpormar da ti publiko kangrunaan na dagiti nagannak a ti bakuna kontra ti kamuras ket agduma ti dengvaxia vaccine.
Kabayatanna, kuna ni Doctor Taylan a mabalin nga agpasar ti kamuras iti mamindua a daras ti maysa a tao ken ti nasao a sakit ket mabalin a maiyakar iti pada a tao.
