LAOAG CITY – Inreklamo dagiti residente iti Brgy. 29 ditoy siudad ti Laoag ti kanal a masarakan iti Diego Silang St gapu ti naurnong ken nangisit a danun a mangitunda ti madi nga angot.
Naamuan ti Bombo Radyo Laoag nga adda ti maysa a pagtaengan a maipagarup a nangipangato ti level ti kanal nga inaprobaran ti barangay.
Mainaig iti daytoy, kinumpirmaran met ti City Engineering Office ditoy siudad a naipangato ti nasao a kanal babaen ti road widening ti DPWH ken adda pay ti maysa a parte ti kanal a naipangato gapu ta saan a kayat dagiti maseknan nga agayus ti danum iti sango ti pagtaengan da.
Segun ti saanen a nagpabigbig a residente, sinerraan ti karruba da ti kanal babaen ti semento, daga ken darat nangruna idi nagpaubra.
Kuna na pay nga adda ti nadengue a kaanakan na itay kallabes gapu ti naurnong a danum iti kanal nga adda iti sango da.
Mainaig iti daytoy, maysa pay a lakay ti makaang-angot ti nabangsit manipud iti kanal.
Rumrumwar nga adda ti pannakainaig ti kapitan ti barangay gapu ti panangaprobar naa maingato ti kanal itay kallabes.
