LAOAG CITY – Inlawlawag met ni Ret. Police Officer Marvin Pascua ti bersyon na seknan iti insidente a no sadinno a napigsa ti agtuktukar a jingle ni Vice Mayor Bob Sacro iti agpalpalikos iti civic center idi ta naiparking iti dayaen ti pasilidad ken nangitunda ti naringgor nga aglawlaw.
Kuna na a bayat nga adda iti abagatan ti civic center nga agtutugaw ket intudo ni Vice Mayor Aspirant Jonathan de Lara ken immasideg ti agnagan ti Nemalyn Cadang.
Inbatad ni Pascua nga iti iyaasideg ni Nemalyn ket inreport na iti panangkugtar ni Konsehal Jovencio Pascua ti ridaw ken kadua na da ABC President Reynaldo Mariano.
Inbunannag na a gapu ta maysa daytoy a kandidato ket saan a dagus a nagtignay ngem ketdi nagtawag iti hepe ti PNP Solsona ngem saan a nagsungbat idinto a nagtawag manen kenni Provincial Director Julius Suriben ngem kaskasdi a saan a nagsunbat tapno kuma agpatulong gapu ta adda da pay laeng a Team De Lara iti civic center.
Daytoy ket mainaig iti panagamak na iti possible a dakes a mapasamak.
Inbatad ni Pascua a sinaludsod na iti grupo ni Mariano no anya ti masapul da ket dita a nagbugkaw ni Konsehal Pascua kenkuana.
Kuna na nga indiaya na a sumrek da iti civic center ngem nagtalinaed a maipagarup a saan a napintas dagiti sinarita ti nasao a konsehal.
Nadakamat pay ti retirado a pulis a naibaga ni konsehal Pascua ket nagpangta a paltogan daytoy kasta met kenni Mariano.
Kabayatanna, inbatad ni Retired Police Pascua a saan a nakaserra ti civic center ken nasdaaw no apay a nakarekep ti nalawlawa a ridaw na.
Kuna na a programa ti DSWD ti nasao nga aktibidad ken mabalin met latta nga umasideg dagiti kandidato a kas kenkuana iti nasao a lugar.
Iti panagpablotter da iti PNP kalpasan a napangtaan, inlawlawag ni Pascua nga adda manen ti napasamak iti uneg ti kuerpo ti pulisya.
Inakusaran met ni Pascua iti maipagarup nga aramid dagiti maseknan iti panagibunong ti kuarta idinto a ti nasao nga aktibidad a panagibunong ti tulong babaen ti AICS ket saan a maliklikan nga umasideg dagiti tattao gapu kasapulan da daytoy.
