LAOAG CITY – Inpetteng ni Mr. Willian Clemente, kandidato a kapitan ti Bgy. iti Bgy. 5 ditoy ciudad ti laoag a qualipikado isu a kandidato iti barangay da gapu ta awan met pay ti naaw-awat na a diskwalipikasyon na manipud iti Commnision of Elections (COMELEC).
Kuna na a ti ibagbaga da nga awan nagan na iti comelec gapu iti saan a nakapag biometric ket ar-aramid laeng dagiti kayat na iti mangperdi kenkuana.
Kuna na a nagbotos met daytoy idi 2016 elections isu nga awan ti makita na a rason tapno igawid da nga agkampanya.
Kwinestionaran na ti no apay nga inikan da ti aplikasyon idi nagpila ti kandidatura na kalpasan na ket inawat da.
Daytoy ti rason nga inpetteng na nga ituloy na latta iti agkampanya.
Maipalagip a nagwaras ti damag seknan iti diskuwalipikasyon ni Celemente rason a sinungbatan na daytoy.
Mainaig iti daytoy pinasingkedan ni Atty. Julius Balbas, Comelec Officer ti ciudad ti Laoag nga awan ti nagan ni William Clemente iti listaan dagiti agbotos iti Bgy. 5 iti nasao a ciudad.
Kuna nga iyurayda laengen ti resulta ti inpatulod da a dokumento seknan iti estado ni Clemente kasanguanan a patuludan da ti pormal a komunikasyon.
Kinuna ni Balbas a tinawagan dan ni Clemente seknan ti situasyon na ken adda kenkuana no akseptaren na ti pudno nga estado na.
