LAOAG CITY – Inbabawi ni dati a Mayor Tomas Torralba ti kandidatura na a para mayor iti ili ti Badoc intono may 9, 2022 elections.
Daytoy ti kinumpirmaran ni Atty. Alipio Castillo, ti Comelec Supervisor ditoy probinsya.
Nupay kasta, kuna ni Castillo a masapol a mangisumitir to latta ti Statement of Contribution and Expenditures (SOCE) na ni Torralba gapu ta nairamanen ti nagan na a naimprenta iti balota.
Saanen a nangipaay ti naan-anay a detalye ni Castillo no ania ti makaigapu nga insanud ni Torralba ti kandidatura na a para mayor iti ili ti Badoc iti umay nga eleksyon.
Ikarkarigatan ti Bombo Radyo Laoag nga alaen ti kabibiangan ni dati a Mayor Torralba.
