LAOAG CITY – Maysa a lighter a naaramid iti 400 grams ti balitok ken dagiti brilyante ti nabirngasan a kanginaan a lighter iti intero a lubong.
Inaramid ti French luxury brand nga S.T. Dupont ti lighter a ninagananda ti “Louis XIII Fleur de Parme” kalpasan a nagkiddaw ti Hong Kong billionaire a ni Steven Hung.
Paborito a topic ni Hung ti French history isu a ti kayatna a disenio ti lighter-na ket adda ti pakainaiganna iti daytoy.
Naammoan a ti nadutukan nga agdisenio daytoy ket ni Princess Tania de Bourbon Parme, ti maysa kadagiti direct descendant ni King Louis XIII, ti ari ti France idi 16th century.
Kadua ni Tania dagiti dadduma pay a 80 nga artisans ken iti uneg ti innel a bulan ket nagtitinnulongda a nagpanunot ti disenio daytoy.
Aramid ti lighter iti 400 grams ti gold ken 152 a pedaso ti sapphire nga agbalor ti 41 karats. Aggatad ti $500,000 wenno katukad ti P28.4 million ti lighter ken inawaganna daytoy kas “Most Expensive Cigar Lighter” ti Guinness World Records.
