LAOAG CITY – Inpakaammo ti PHIVOLCS a bimtak manen ti Bulkan Kanlaon idiay Negros.
Nairekord ti ash emission a nagibukbok agingga iti 600 a metro ti kangatona manipud iti abut ti bulkan. Ti agmaris dapo nga asuk ket nagturong iti agpalaud gapu ti angin.
Nangiparuk-at pay ti PHIVOLCS iti timelapse footage ti insidente a naala iti observatory-da idiay Canlaon City.
Nagtalinaed a nakangato ti Alert Level 2 idiay Kanlaon, kayatna a saoen a mapaspasaran ti bulkan ti kalkalainganna a panagalburoto daytoy.
