LAOAG CITY – Kinumpirmaran ti Kapamilya Network a nakasaganan ti network iti panagsubli ti Pilipinas Got Talent (PGT) Season 7.
Iti panagsubli ti reality-search contest ket makadua da Robi Domingo ken Melai Cantiveros kas hosts.
Kas judges ti programa, agkadua iti umuna a gundaway da Kathryn Bernardo ken Donny Pangilinan ken ti mangbukel ti uppat a judges ket isuda Eugene Domingo ken Freddie “FMG” Garcia a dati a Presidente ti Kapamilya Network manipud idi 1997 agingga iti 2003.
Magagaran a nag-post ni Robi iti IG dagiti ladawan ken bidyu a naala iti photo shoot ken taping ti Pilipinas Got Talent (PGT) Season 7.
Proud ni Robi iti panagkuada da Kathryn ken Donny ken naragsakna nga inburay ti naragsak a behind-the-scene photos ken video.
Ibilang ni Robi a dakkel a pammadayaw para kenkuana nga agbalin a paset ti Pilipinas Got Talent a dati ket buybuyaenna laeng idi.
