LAOAG CITY Adda ti linteg a maiparit ti mangdadael kadagiti maibilang a protected areas kas kadagiti kapanagan ditoy Ilocos Norte.
Daytoy ti palawag ni Prov’l Environment and Natural Resources Officer Vic Dabalos iti salodsod dagiti maseknan iti Bgy. Masintoc iti ili a Paoay a mapawilan da nga agiwayway wenno agibyulos kadagiti taraken da a kalding.
Kuna ni Dabalos, nabayagen ti nasao a linteg iti gagem a mapreserba dagiti lugar a rumbeng a mapreserba.
Kabayatan na, inbatad ni Dabalos a no pakaskenan ti operasyon dagiti 4 by 4, adda permit na dagitoy ken nabagaan da ti pagpatinggaan ti operasyon da nga awan dagiti madalapos a natural a mula kadagiti kapanagan.
