LAOAG CITY – Inpasigurado ni Barangay Chairman Ruben Ancheta iti Barangay 55-A, Barit ditoy ciudad ti Laoag nga iti kabiitan a panawen ket matarimaan dagiti street lights iti paset ti Sitio 2.
Segun kenni Ancheta, naamoan na laeng babaen iti Bombo Radyo Laoag ti sitwasyon ti paset ti barangay da.
Gapo iti daytoy, kunana a kasarita na ti sector kagawad ken dagiti maseknan nga opisyales tapno masukatan dagiti napiundir a silaw.
Kunana nga iti napalabas a tallo a lawas, nagtarimaan dagiti tallo a kagawad, barangay electrician ken sumagmamano a tanod kadagiti street lights.
Mainaig iti daytoy, nagpanawagan ni Ancheta kadagiti kabarangayan na nga apektado nga aganus kageddan ti panangipasigurado na a mangiparuk-at ti pondo ti barangay tapno masolbar ti nasao a problema.
