LAOAG CITY – Kalikagom ni Barangay Chairman Ruben Ancheta iti Barangay 55-C, Barit ditoy ciudad ti Laoag a mapatawan ti multa ti nagpuur ti garami iti barangay da.
Inadmitir na a saanna a dagus a naamoan nga adda ti mapupuuran a garami uray iti asideg ti balay da gapu ta makumikum da kas barangay frontliners a gubuay ti covid-19.
Binigbig ni Ancheta ti agtagikua ti taltalon a nakapuuran dagiti garami ket ni Rey Ancheta.
Patien ti barangay kapitan a ti met laeng agtagikua ti taltalon ti nagpuur isut gapu na a paayaban da tapno komprontaren da daytoy.
Immuna iti daytoy, adda ti panagamak dagiti dadduma a residente gapu ta ti nakapasamakan ti uram ket asideg pay ti waya ti kuryente.
