LAOAG CITY – Inlawlawag ni Barangay Capt. Abe Sagao iti Barangay Ester iti ili ti Vintar a ni IN-C96, agtawen ti 20 a babai, maysa nga APOR (Customer Service Representative) ket saan a residente iti barangay da.
Inbaga na a ni IN-C-96 ket taga Barangay Parparuruc ngem idi setyembre 12 ken napan simmarungkar kadagiti nagannak na iti Barangay Ester iti ili ti Vintar kadwa na ti anak ken asawa na.
Kuna ti kapitan nga idi Setyembre 14 ket napan innala dagiti Barangay Health Workers (BHW) ken adda ti kadwa da a midwife isut gapuna nga inbilin na iti pamilya ti pasyente nga ag-isolate da a dagus.
Inpakaammo ti kapitan nga pagsasaritaan da a naimbag ti isayangkat da a contact tracing kangrunaan na ket naamoan da nga idi domingo ket napan nakisimba ti ina ti pasyente.
Inpakaammo ni Sagao a basar iti logbook iti simbaan ket umabot iti 60 dagiti napan nakisimba.
Agpapan maisursurat daytoy a damag ket awan pay ti nagbalin a mandar ti lokal a gobierno iti ili ti Vintar no adda dagiti sitio a rumbeng a mailockdown iti nadakamat a barangay.
