LAOAG CITY – Naglikudan ni Barangay Chairman David Pascua iti Barangay 23 iti ili ti San Nicolas ti naidanun a reklamo ditoy Bombo Radyo Laoag kontra kenkuana.
Daytoy ket mainaig ti maipagarop a saanna a panangikaskaso ti reklamo ti maysa a pamilya seknan iti kaadda dagiti agpukpukan ti kayo a saanda a bagi iti nasao a lugar.
Inlawlawag na a tallon a bolan ti napalabas idi adda ti napan nagreklamo kenkuana maipanggep iti daytoy a banag ngem ti laeng kiddaw dagiti maseknan ket kasarita na dagiti agpukpukan ti kayo nga agsardeng dan nga isu met ti inaramid na.
Inpakaammo na a nagkari met dagiti maseknan a saandan nga uliten ti mapan agpukan ti kayo iti lugar.
Ninigar pay ti kapitan ti reklamo a maipagarop a saanna a kayat nga ipakita ti CCTV footages iti barangay hall da tapno makita dagiti mapan agpukpukan ti kayo iti barangay da.
Inkalintegan na nga awan ti makita dagiti maseknan gapu ta nabayagen a perdi ti CCTV camera iti barangay da.
