LAOAG CITY – Inlawlawag ni Barangay Chairman Ernesto Bumanglag iti Brgy. 8 iti ili ti Sarrat ti napasamak iti panagturong ti maysa a residente iti Brgy. 23 ditoy siudad ti Laoag iti barangayda.
Segun ken ni Bumanglag, adda ti nangipakaamo kenkuana a kabarangayanda nga adda iti lugar da ti residente iti Brgy. 23.
Gapu iti daytoy, kuna na a dagus na nga inaksyonan ken kinasarita na ti kabarangayanna na nga asawa ti naggapo iti Brgy. 23.
Inbaga na a saan na nga inbaga a saan na nga ipalubos a patapugen ti pamilya ti kabarangyanna iti barangayda ngem ketdi anantisiparan na laeng ti posible nga epekto daytoy gapu ta naggapo iti barangay nga addaan kaso ti covid-19.
Kuna na a saanna a pagtaltalawen dagiti maseknan ngem inlawlawag na laeng ti mabalin a mapasamak gapu ta napadasan dan ti naaddaan ti kaso ti covid-19.
Innayun na a kadwa pay ti nasao a residente iti Brgy. 23 ditoy siudad a nagturong ti barangayda ti anakda nga agtawen ti dua, banag a maipawil kas maibasar iti linteg.
Inbunannag na nga inbaga na a mapan na ipakaamo ti RHU ti kaadda dagiti residente manipod Brgy. 23 ditoy siudad ngem saanen a nagtuloy gapu ta nagsubli lattan a nagawid dagitoy iti barangay da.
Innayun na a nu bilang agsubli dagiti maseknan iti barangayda ket nasken nga adda ti maipakita dagitoy a resulta ti test wenno mangipanekek a nga awan ti virus kadakuada.
Mainaig iti daytoy, patien ti kapitan a saan met a panagdiscriminate ti inaramid na agsipod ta kalikaguman na laeng ti pagsayaatan dagiti kabarangayanna.
Maipalagip nga immunan nga inreklamo ti saanen a nagpabigbig a residente iti Brgy. 23 ditoy siudad ti maipagarup a pannakailanglangi na iti Brgy. 8 iti ili ti Sarrat babaen iti kapitan nu pay adayo daytoy kadagiti sitio a nakalockdown.
