LAOAG CITY – Naglikudan ni Barangay Chairman Romeo Pangat iti Barangay Baoa East iti ciudad ti Batac ti naidanun a reklamo ditoy Bombo Radyo Laoag.
Daytoy ket mainaig iti maipagarop a kaawan ti social distancing iti barangay da iti baet nga adda ti 80 a kabarangayan na a napan nagpaswab test no sadinno a 16 kadagitoy ket nagpositibo ti covid-19.
Inbaga ti kapitan nga awan ti kinapudno na daytoy gapu ta naiget a sursuruten da ti health protocols.
Segun iti kapitan, dagiti 80 a nagswab test ket aggapo da iti maymaysa a sitio iti nasao a barangay.
Kabayatanna, inbaga ti kapitan a saanna nga ammo no pudno wenno saan ti naireport pay ditoy Bombo Radyo a rumrumuar latta uray nagpositibo ti covid-19 ni Barangay Tanud Joseph Reynoso kadwa na ti baro na.
Inpetteng na nga awan ti maidandanun kenkuana mainaig iti daytoy a banag gapu ta saanda met a mapan mabantayan a kanayun ti ayan ni Reynoso.
Inbatad na a makumikum da nga agbantay iti pagruwaran ken pagserkan iti barangay da tapno mamonitor da a naimbag dagiti rumuar ken sumrek.
Inpakaammo na pay nga ado dagiti na-swabtest iti maysa a sitio gapu ta adda ti nagpositibo ti delta variant iti lugar.
