LAOAG CITY – Patien ni Barangay Chairman Adelboy Quinto iti Barangay Caaoacan ditoy ciudad ti Laoag nga adda ti maris pulitika wenno pamerperdi kenkuana ti reklamo mainaig iti ado a water lilies iti karayan ken maipagarop nga awan ti aksyon dagit opisyales.
Segun kenni Quinto, ammo dagiti kabaragayan a sakbay nga agtugaw kas kapitan idi 2018 ket saan a makita ti danom iti karayan gapo iti kinaado ti water lilies.
Nupay kasta, kunana a tinawen nga agdalos da iti karayan ken ikkaten dagiti water lilies kadwa da dagiti barangay tanod ken sumagmamano a residente iti lugar da.
Inpetteng na nga adda met ti sabali a pakakumikoman da iti barangay ket iti personal a pagbiagan da.
Kwinestyunaran pay ti kapitan no apay nga ita laeng a maireklamo daytoy ket nabayagen a maysa daytoy kadagiti problema da.
Kunana a no napigsa ti linnaaw ket alisto nga umado dagiti water lilies iti karayana.
Kabayatanna, inpasigurado ti kapitan nga idasar na daytoy a banag iti maiyuswa nga assembly meeting iti barangay da intono Marso 28, aldaw ti Domingo.
