LAOAG CITY – Kinumpirmaran ni Barangay Chairman Rodel Paclis iti Barangay Victoria iti ili ti Currimao nga adda ti naawat ti asawa na ken ti ama ti sekretarya ti barangay a tulong manipud iti BFAR.
Segun kenni Paclis, sipud naiyawat ti tulong kadagiti maseknan ket awan pay ti impormasyon wenno guidelines tapno makaawat ti maysa a mangalap iti nasao a barangay.
Inlawlawag na a saan na pay nga ammo no mano ti kantidad ti naawat ti asawa na.
Ummuna iti daytoy, adda ti dimmanon a report ditoy Bombo Radyo a maipagarop a dagiti naikkan ket maipagarop nga opisyales ti barangay.
Naiget met a naglikudan ni Paclis a nakaawat isuna iti nasao a tulong.
Innayon na a saan nga inkoordenar ti BFAR kenkuana ti nasao a banag.
