LAOAG CITY – Kinumpirmaran ni Barangay Chairman Noli Tunac iti Barangay 5 iti ili ti Vintar nga ipangpangta da ti biag na.
Segun kenkuana, adda dagiti magtawtawag ken mangtetext kenkuana a mangibagbaga a nabayadanen ti biag na iti 30 ribo a pisos.
Kuna na pay a dumawdawat dagiti maseknan ti 30 ribo a pisos tapno saanda nga ituloy ti mangpapatay kenkuana.
Nupay kasta, sipud kinarit ti kapitan dagiti maseknan nga agkikita da ti personal ket saan dan nga agtawtawag ken agtetext kenkuana.
Kabayatan na, inbalakad ni Police Major Joseph Baltazar, ti chief of police iti ili ti Vintar a no addan to pay tumawag wenno agtext ken ni Tunac ket makikoordinar kadakuada tapno maisayangkat da ti “entrapment operation”.
