LAOAG CITY – Nagpadespensar ni Barangay Chairman Julius Ramones iti Barangay16 iti ili ti Bacarra kalpasan a dimmanon ditoy Bombo Radyo ti reklamo seknan iti party a naiyuswat iti covered court ti barangay.
Basar iti reklamo, nangruna iti alas-sais ti rabii agingga iti las-onse a nagkakanta ti maysa a banda, no sadinno nga adda pay ti dimmanon a video nga agsasala dagiti bisita.
Inlawlawag na a birthday ti anak na ken naigeddan ti anibersaryo ti kabsat ti asawa na, ken nagpatingga iti 10:30 rabii.
Segun kenni Ramones, adda ti facemask dagiti bisita ken naala ti temperature dagitoy.
Mainaig iti daytoy, kuna ni Ramones a ti dua nga oras nga inted ti Mayor iti nasao nga ili ket para iti panagkakanta.
