LAOAG CITY – Naireklamo ni Barangay Chairman Bobby Racquiño iti Bgry 34-A Gabu babaen kadagiti maseknan a residente iti Brgy. Cabungaan ditoy siudad ti Laoag gapu ti pannangabak ti maysa a tricycle driver iti STL.
Segun kenni Mrs. Marilyn Reskir a residente ti Brgy. 48-A Cabungaan, nagturong ti abirat na ken ti inarkila na a tricycle a 3420 tapno aglako ti ikan iti balay da.
Kuna na a nairana nga adda ti nagpataya ti STL rason a nagtaya ti agnagan ti Kitot a driver iti tricycle a 3420 a kukua met ni Racquiño.
Inbatad ni Reskir a nangabak ti dua a limit ti nasao a tricycle driver ken nagturong iti lugar da tapno saraken na ti nagpataya kenkuana iti STL.
Ditoy metten timmawag kenkuana ti ipag na a ni Babing a kasinsin ni Kapitan Racquiño a birbiroken da ti nasao a tricycle driver.
Inpakaammo ni Reskir a bayat a kasar-sarita na ti ipag na iti cellphone ket nangeg na ti asawa ti Kapitan a ni Edna Racquino nga atapen na metten ta amangan iyinom ni Kitot iti inabak na iti STL.
Inlawlawag na nga ibagbaga metten ipag na ket nabayagen a tartaraknen da kapitan ti numero a tinayaan ni Kitot rason a kalikagum da ti makibingay iti inabak ti tricycle driver.
Kabayatanna, Inpakaammo ni Mrs Marilyn Reskir a residente iti Brgy 48-A Cabungaan ditoy siudad ti Laoag nga innala ti tricycle driver ti numero a tinayaan na ti STL iti uneg ti wallet na.
Daytoy ket mainaig ti ibagbaga da Barangay Chairman Bobby Racquiño iti Bgry 34-A Gabu a nabayagen a tartaraknen da ti numero a nangabakan ni Kitot.
Ni Kitot ket driver ni Racquiño iti kukua na a tricycle nga addaan ti numero a 3420.
Iti pannakisarita ni Reskir kenni Kitot, kuna na nga innala na ti numero iti wallet na nupay ibagbaga ti kapitan a makibingay da iti inabak ni Kitot.
Gapu iti daytoy a riri mainaig ti pannangabak ni Kitot iti jueteng, rimsua ti kumusyon iti lugar da Reskir a nagturongan ni Racquiño no sadino a pinangtaan na a papatayen ti tricycle driver ken awan ti kabutbuteng na gapu ti pungtot na mainaig ti saan na a pannakabingay iti inabak na iti STL.
Kabayatanna, inkarigatan ni Bombo Radyo nga alaen ti kabibiang ni Kapitan Racquiño babaen iti cellphone ken iti landline na ngem saan a simmungbat iti tawag.
