LAOAG CITY – Naglikudan ni Barangay Chairwoman Marvelyn Padayao iti Barangay Calayab ditoy ciudad ti Laoag nga isuda ti nang-isyu ti ticket a naipadanon ditoy Bombo Radyo Laoag.
Daytoy ket mainaig iti panangkwestyunar ti concern citizen nga arig na papel laeng ti mait-ited kas ticket kadagiti sumrek iti beach reasort a sakupen ti barangay da.
Segun kenni Padayao, ti it-ited da a ticket ket addaan ti logo ti barangay ken adda ti control number na ken para kenkuana ket saan da a kukua ti ticket a naipadanon iti Bombo Radyo.
Inlawlawag na a napagsasaritaan da iti konseho a mangited da ti temporaryo a ticket ken nairekord amin iti makolektar no sadinno a ti pagbaybayad dagiti sumrek iti beach resort ket panagpasweldo da kadagiti agmentenar ken agdalos iti nasao a resort.
Inpakammo ni Padayao a nagkiddaw da ti ticket iti lokal a gobierno ken naaprubaran metten ti treasury ngem agpapan ita ket saan da pay a nakaala.
Naamoan nga addan ti agarop dua a lawas sipud nangrugi da a mangited ti temporaryo a ticket.
