LAOAG CITY – Inlawlawag ni Barangay Chairman Marcos Garanio iti Barangay Salpad iti ili ti Pasuquin a saan a pudno nga awan ti agbanbantay nga opisyales iti Barangay Isolation Unit iti nasao a lugar.
Segun kenni Garanio, pudno nga adda ti naka-quarantine ngem naiget a naglikudan na nga awan ti agbanbantay gapo ta adda met ti officer of the day.
Inpetteng na a saan a makita ti naka-quarantine dagiti opisyales gapo ta adda da iti babaen ti Barangay Hall ken nakarikep daytoy.
Inbatad na a ti ikit ti naka-quarantine a naggao iti probinsya ti Cagaan ket inbaga na a ti maysa a kaanakan na nga isu ti kabsat ti naka-quarantine ket boluntaryo nga agbantay ket adda iti sabali a kwarto ken saan a rumrumwar ti maseknan.
Kunana a rinabii nga adda ti agbanbantay iti nasao a barangay.
