LAOAG CITY – Nagballaag iti publiko ti Kapuso actress a ni Max Collins ken beauty queen-host a ni Roberta Tamondong kontra iti scammer nga agpampammarang nga isuda tapno makadawat ti kwarta ken donasyon kadagiti biktima ti maipagarop a super typhoon Carina.
Iti Instagram, arigna naggiddan a nag-post da Max ken Roberta tapno ipakaammo nga awan ti pakainaigan da iti Viber user a mangus-usar ti nagan da tapno agdawat ti kwarta kadagiti am-ammo ken papagayam da.
Ti modus ti scammer keti i-message na dagiti am-ammo da Max ken Roberta tapno agkiddaw ti tulong ken donasyon para kadagiti maipagarop a biktima ti bagyo ken layos iti Marikina.
Naiget a naglikudan da Max ken Roberta nga isuda ti akinbagi ti social media account nga us-usaren ti scammer kagiddan ti panangipetteng da a saan da nga agdawdawat ti donasyon ken saan da a konektado iti daytoy.
