LAOAG CITY – Nagballaag manen ti Department of Health iti publiko a saan nga ikankano dagiti kagat ken karamot dagiti taraken a dingwen a kas ti pusa ken aso.
Daytoy ket kalpasan nga adda naimaldit a dua nga ubbing a pimmusay gapu iti rabies idiay Maynila.
Nagballaag metten ni Manila Mayor Honey Lacuna iti publiko seknan iti napasamak.
Kunana, pimmusay dagiti dua nga ubbing gapu ta saan da a natudotakan nga insigida iti bakuna kontra rabies.
Mainaig iti daytoy ket ginutigot ti Mayor ken ti Department of Health ti publiko a no makagat kadagiti taraken a dingwen ket saan nga agpangdua-dua nga agturong kadagiti klinika tapno agpabakuna.
Kabayatanna, adda metten ti walo a bite center idiay Manila ti naipaayan ti free anti-rabies vaccination.
