LAOAG CITY – Naiyadal kadagiti agtutubo kangrunaan na kadagiti babbai ti karbengan iti tunggal maysa.
Daytoy ti inpakaammo Ms. Mary Joan Pasugui, ti focal person ti Local Committee against Trafficking Violence against Women and their Children ditoy ciudad ti Laoag.
Segun kenkuana, dakkel ti akem dagiti Youth Leaders ken agtutubo iti pananglapped ti pannaka-abuso dagiti babbai ken ubbing.
Kunana a nailawlawag kadagiti maseknan ti maipanggep iti Republic Act 11930 a “Protecting Children from Online Sexuak Abuse or Exploitation (OSAEC), Criminalizing Child Sexual Abuse or Exploitation Materials (CSAEM) ken Bawal Bastos Law idi December 05, 2025.
Inbatad na a rumbeng a maamoan dagiti agtutubo dagitoy a paglintegan gapu ta mabalin nga isuda ti makapaspasar ti kastoy a sitwasyon ken no ania dagiti aramiden da.
Kabayatanna, kunana a babaen ti nasao nga aktibidad ket masursurwan dagiti agtutubo a mangilaban kadagiti karbengan da kas maysa nga indibidual.
