LAOAG CITY – Kalikagum ni Sen. Imee Marcos nga agbalin a patas ti pannakaipaay ti tulong kadagiti Pilipino.
Segun kenkuana, kas ti pannakaipaay ti burial assistance a saanen a masapul pay a mapan agpakpakaasi dagiti tattao kadagiti adda iti turay.
Inbatanda a saan koma a padrino system ti mapasamak tapno al-alisto a maipaay dagiti tulong kadagiti umili.
Inlawlawagna a masapul a mapalawa ti sakup dagiti programa ti nagduduma nga ahensia a maipatpatungpal kas ti Assistance to Individuals in Crisis Situation wenno AICS ken ti PhilHealth tapno al-alisto daytoy ken saanen a marigatan dagiti tattao nangruna dagiti ad-adda nga agkasapulan ti tulong.
