LAOAG CITY – Nakagun-od ti national juniors gymnastics team ti innem a balitok a medalya iti 3rd JRC Artistic Gymnastics Championships a naiyuswat idiay Bangkok, Thailand.
Indauloan ti Team Philippines ni Karl Eldrew Yulo ti naub-ubing a kabsat ni Paris Olympics double gold medalist Carlos Edriel Yulo kalpasan a nakagun-od ti balitok a medalya iti Men’s Artistic Gymnastics (MAG) Junior Individual All-Around Event.
Paset pay ni Yulo ti national juniors team a nakagun-od ti silver medal iti team all-around event.
Padasen ni Yulo a makaala pay ti medalya iti apparatus kas ti parallel bars, vault, floor exercise ken still rings.
Iti agdama, manarimaan ti panagsanay ni Yulo babaen ken ni Japanese coach Munehiro Kugimiya nga isu ti nangasa iti manongna a ni Caloy tapno agbalin a world-class gymnast.
