LAOAG CITY – Nakastreken iti finals ni Karl Eldrew Yulo ti horizontal bar iti Gymnastics World Cup a maisaysayangkat idiay Baku, Azerbaijan.
Nakairekord dytoy ti 13.533 points ken naglippas iti maikanem a puesto iti qualifiers no sadinno a kualipikado daytoyen iti medal round.
Ti nasao nga event laeng isuna a nakastrek iti finals gapu ta napaay daytoy iti pommel horse ken vault events.
Ita nga aldaw, makilaban ni Yulo iti floor exercise finals idinto a ti horizontal bar medal round ket maiwayat inton bigat, aldaw ti Domingo.
Daytoy ti umuna a senior level ti Gymnastics World Cup a nakipasetan ti naub-ubing a Yulo.
Maipalagip nga idi Nobiembre iti napalabas a tawen idi naisayangkat ti Junior World Championships ket nagun-od ni Yulo ti dua a bronze medals iti kapada nga events.
