LAOAG CITY – Kinettel ti maysa a karpintero ti bukudna a biag iti ili ti Sarrat.
Ti biktima ket maysa a lalaki nga agtawen ti 70.
Basar iti imbestigasion ti Sarrat Municipal Police Station, inbatad ti asawa ti biktima a nakitana a nakabitinen a nakatali ti asawana iti likod ti comfort room-da.
Rumrummuar a sakbay ti napasamak nga insidente ket adda ti saan a nagkinnaawatan ti biktima ken ti asawana maipanggep iti saan a pannakaselebrar iti panagkasangay ti biktima.
Gapu iti daytoy, posible nga isu ti nangitunda ken nangiduron iti biktima nga aramidenna ti nasao nga insidente.
Kabayatanna, indeklarar ti Municipal Health Office iti ili ti Sarrat a natayen ti biktima.
