LAOAG CITY – Inpanamnama ni Police Lt. Col. Amador Quiocho, hepe ti PNP Laoag iti panangala da ti statement ni Ricardo Cabajar Jr. a residente iti Brgy. 38 Sangil iti ili ti Bacarra kalpasan a maipagarup a naitaray ti motorsiklo na itay kallabes.
Sakbay iti daytoy, nagpaitulod ti saan a nabigbig a lalaki kenni Cabajar iti pribado nga unibersidad ken nagpaisubli ti lalaki iti nangalaan kenkuana ti biktima.
Idi ta immisbo ti biktima ket dita a ginundawayan ti saan a nabigbig a suspek nga intaray ti motorsiklo ti biktima.
Kuna na a possible a kaso a carnapping ti sanguen ti saan a nabigbig a suspek no maala da ti palawag ni Cabajar.
Kinumpirmaran ti hepe nga adda ti naglabas a kaso ti suspek kas maibasar iti record ti PNP Laoag.
Innayon na a makaammo ti piskalya para ti pannakaadal dagiti ipila da a dukomento.
