LAOAG CITY – Naipila ti kaso a Frustrated Homicide kontra iti suspek ti pammagkong iti Sitio 2, Brgy. 49 Raraburan ditoy siudad ti Laoag.
Ti biktima ket atawen ti 24, awanan asawa, agtrabtrabaho iti St Nicolas Construction Supply, tubo iti Catbalugan, Samar ngem agnanaed iti nasao a barangay.
Ti suspek ket agnagan ti alyas Janjan, agtawen ti 26, awanan asawan ken agtrabtrabaho met laeng iti nasao a pasdek negosyo, tubo iti Mabunog, Gattaran, Cagayan ken agnanaed iti nasao a barangay.
Maipalagip a napasamak ti pammagkong kalpasan nga adda ti riri iti nagbaetan ti biktima ken suspek ken dita a nagdinnanogan da.
Naamuan a napan innala ti biktima dagiti personal a gamit na tapno agawiden ngem sinada ti suspek ket dita a binagkong na usar ti kutsilyo nga agatiddog ti 13 a pulgada.
Agtultuloy a maag-agasan met ti biktima iti ospital.
Naduktalan dagiti otoridad a ti motibo ti suspek ket dati a susik.
