LAOAG CITY – Inbasura ti piskalya ditoy probinsya ti kaso a libel nga inpila ni Police Staff Sergeant Francisco Galo kontra ken ni Bombo Roger Lopez.
Ni Galo ket residente iti Barangay 15 iti ili ti Bacarra ken dati a naka-assign iti PNP iti nasao nga ili idinto a ni Lopez ken taga Barangay 40 iti met laeng nadakamat nga ili.
Namonganay ti kaso kalpasan a maipagarop nga adda ti dinangran ni Galo a lalaki no sadinno nga adda ti nagbalin a komento ni Lopez kabayatan ti programa na ti ZONA Libre iti Bombo Radyo Laoag a napasamak idi hunyo ita a tawen.
Saan a nagustwan ni Galo ti nagbalin a komento ni Lopez no sadinno nga inbilang na a pammerperdi iti imahen ken dayaw na rason a nangipila ti kaso a libel.
Nupay kasta, inbasura ti piskalya gapu ta basar iti panangadal da iti kaso ket naduktalan da a daytoy ket nakurang ti probable cause na.
Kabayatanna, inbasura pay ti piskalya ti inpila a reklamonga slight physical injuries ni Galo kontra met ken ni Mark Jericho Asuncion iti ili ti Bacarra.
Iti agdama, naka-assign ni Galo iti Provincial Personnel Holding abd Accounting Unit iti Ilocos Norte Police Provincial Office (INPPO).
