LAOAG CITY – Manarimaan ti pananakisagana ti maipila a kaso kontra iti maysa a lalaki kalpasan a naitudo a suspek iti napasamak a panagtatakaw iti Barangay 6 ditoy ciudad ti Laoag.
Nabigbig daytoy a ni alyas Balong, addaan ti legal nga edad, baro ken tubo iti San Mariano, Isabela ngem agdama nga agnanaed iti Barangay 14 ditoy ciudad.
Basar iti report, ti biktima ket agtawen ti 59, naasawaan ken residente iti Barangay 6.
Iti imbestigasyon dagiti otoridad, naduktalan laengen ti kaanakan ti biktima a napukaw ti flat screen TV nga agbalor ti 12 a ribo a pisos.
Naamoan a saan a dagus a nadeterminar no siasinno ti suspek gapo ta naiyuswat ti nauneg nga imbestigasyon ken adda dagiti testigo ken narekobre ti mapukpukaw a telebisyon iti pagkasaeraan ni alyas Balong.
Iti agdama ket manarimaan pay laeng ti panagbirok dagiti otoridad iti nasao a suspek.
