LAOAG CITY – Inbasura ti korte ti naipila a kaso a grave threat kontra ken ni Police Corporal Ronald Pastor, agtawen ti 32, awanan asawa, dati a kameng iti 2nd Provincial Mobile Force Company ken residente iti Brgy. Paratong iti ili ti Paoay.
Daytoy ti inbatad ni Police Major Eddie Suyat, ti chief of police iti nasao nga ili.
Segun ken ni Suyat, inbasura ti korte ti kaso kontra ken ni Pastor kalpasan a nagpila ti affidavit of desistance ti private complainant a ni Bonifacio dela Cruz.
Kabayatanna, inbaga met ni Police Lt. Arnel Duquero iti Internal Affair Service (IAS) ditoy probinsya nga iyur-uray da pay laeng ti desisyon ti Regional Internal Affair Service (RIAS) mainaig iti inpila da a kaso administratibo kontra ken ni Pastor.
Maipalagip a natiliw ni Pastor gapu iti panagpap-paputok na ti paltog no sadinno nga iti panagresponde dagiti otoridad ket nakakumpiskar da ti naruay a kapsula ti M16 riffle ken 9mm pistol iti lugar a nagpap-paputukan na.
