LAOAG CITY – Nadismiss ti kaso a naipila kontra kenni P/Staff Sgt. Jonel Mangapit a Conduct Unbecoming of a Police Officer.
Daytoy ket kalpasan a rimwar ti resulta ti imbestigasyon a pinirmaan ni Police Brigadier General Joel Ordoña iti PNP Region 1 ken naawat ni Mangapit itay napalabas nga aldaw.
Segun kenni Mangapit, nadismiss ti naipila a reklamo kontra kenkuana a maipagarup a panangipabuya na iti obscene picture ti babai ken lalaki, panangapros na iti luppo ti nagreklamo, ken dadduma pay nga alegasyon kontra kenkuana.
Basar iti resulta, nakurang ti ebidensya a mangsuposop iti reklamo kontra iti nasao a pulis.
Maipalagip a nakaduty ni Mangapit idi mapasamak ti nasao nga alegasyon a no sadinno a mapan met agreklamo ti biktima gapu iti problema na.
