LAOAG CITY – Kinumpirmaran ni Mr. Vic Dabalos, mangidadaulo ti PENRO a naipilan ti kaso kontra kenni Mr. Danilo Butac ken dagiti dua a nagibyahe ti 100 a sako ti pebbles a natiliw iti Barangay 5 ditoy ciudad ti Laoag.
Segun kenni Dabalos nga isu ti timmakder a complainant, ti kaso ket panaglasing iti RA 7942.
Inlawlawag na a nairaman a naipila ti kaso iti driver ken helper ti truck a nagibyahe gapo ta karaman da iti gandat a panangipuslit ti pebbles ken agdependen ton iti korte no kasano ti kadagsen ti partisipasyon dagitoy.
Inbatad na a dagiti 100 a sako a pebbles a nakumpiskar ket adda iti kustudiyar ti PENRO.
Inpetteng met ni Dabalos a dagiti stockpile a pebbles ket saan a rumbeng a mairwar pay laeng agingga nga awan ti naan-anay a dokumento a mangipalubos iti laksid a naala dagitoy idi adda pay laeng ti permit.
Maipalagip a ti driver ti truck ken helper na ket natiliw gapo iti panagibyahe da ti pebbeles ken basar kadakuada ken inpalugan daytoy ni Butac.
