LAOAG CITY – Target ti Department of Justice (DOJ) nga isumitir iti Ombudsman ti kaso a plunder seknan dagiti maipagarop nga iregularidad kadagiti proyekto ti flood control idiay Bulacan.
Karaman iti kaso ket ni Maria Catalina Cabral, ti naipadamag a natay a dati nga Undersecretary ti Department of Public Works and Highways (DPWH), ken dadduma pay nga opisyal ti ahensya ken dagiti indibidual a nangilungalong kadagiti proyekto.
Segun kenni Prosecutor General Richard Fadullon, sukimaten ti Ombudsman iti kaso.
Nupay natayen ni Cabral, ituloy latta ti DOJ dagiti kaso a civil forfeiture tapno protektaran dagiti sanikua na, ken mangisaysayangkat ti imbestigasyon ti Anti-Money Laundering Council (AMLC).
Saan laeng a dagiti opisyal ti DPWH manipud Bulacan district engineering office ti karaman iti imbestigasyon no diket dagiti amin a maipagarop a nabenipisyaran iti proyekto.
