LAOAG CITY – Inbasura ti Provincial Prosecutor dagti kaso a sangsanguen ti retirado a pulis a ni Mr. Joy Vergara iti Brgy. 19, Napu iti ili ti Badoc.
Daytoy ti pinasigkedan ti legal counsel na a ni Atty. Jason Perera.
Maipalagip a sumangsango ni Vergara iti kaso a panaglabsing Republic Act No. 9165 wenno ti Comprehensive Dangerous Drugs Act of 2002 ken Republic Act No. 9516 wenno illegal possession of firearms, which include explosives, ammunitions or incendiary devices, ngem idi laeng kalman ket na-dismiss ti kaso.
Iti palawag ni Perera, a basar kadagiti witness ket maipagarop a sakbay naisyangkat ti Search Operation iti babaen ti Provincial Drug Enforcement Unit ket adda ti maysa a grupo ti polis nga immuna a simrek iti pagtaengan ni Vergara.
Iti agdama ket nakaruaren iti pagbaludan ni Vergara, ken awan pay ti komentona no mangipila ti reklamo kontra kadagti otoridad.
Kabayatanna, maipalagip a naarestar ni Vergara babaen ti pannakaisayangkat ti Search Operation babaen ti Provincial Drug Enforcement Unit no sadinno a nakumpiskaran daytoy ti dagiti iligal a droga iti mismo bag ti live-in partner ti retirado a pulis nga agbalor ti nasurok-kumurang 100 a ribu a pisos.
