LAOAG CITY – Nadismiss ti naipila a kaso a qualified theft kontra kadagiti 4 a maipagarup a nagtakaw iti maysa a gasolinaan ni Richard Tuluza Alcid idiay Barangay Lapaz ditoy ciudad ti Laoag.
Nabigbig dagity suspek a da Gemma Padaca, Nick Ruadap, Julius Ben Masadaw, ken ni Joyce Agoy, agpapada dagitoy a residente iti Barangay 32-B Lapaz-Torre ditoy ciudad.
Nawaya-wayaan dagiti uppat babaen ti order a pinermaan ni Atty. Noel Conception, ti inquest prosecutor ken inaprobaran ni Atty. Lourdes Layugan iti Prosecutor’s Office.
Daytoy ket kalpasan a napaay ni Tuluza a nangipresentar dagiti proof of ownership ti gasoline station, invoices, inventory dagiti supplies ken dadduma a dokumento a mangestablisyar ti balor dagiti natakaw.
