LAOAG CITY – Kinumpirmaran ni dati a Sang bayan member Joe Martin iti Solsona, Ilocos Norte ti pannakaibasura ti kaso na a dishonesty iti Civil Service Commission (CSC).
Napilaan ti kaso a dishonesty ni Martin kalpasan a dinutukan ni Mayor Alexander Calucag kas municipal administrator iti ili ti Solsona.
Segun ken ni Martin, ti nangipila ti kaso ket ni Vice Mayor Joseph de Lara iti ili a Solsona gapu ta maipagarop a ti pammati na ket saan a pudno dagiti dadduma a nakailanad iti personal data sheet (PDS) na a maysa a requirement iti nasao a posisyon.
Inlawlawag na a naibasura ti kaso na kalpasan a napaneknekan na nga awan ti naipilpila kenkuana a reklamo sakbay a nagipila ti DPS na idi nobyembre itay napan a tawen para ti posisyon na iti agdama.
