LAOAG CITY – Naipilan ti kaso a “frustrated murder” kontra ken ni Jay Paul Tolentino y Jurado, agtawen ti 23 years old, awanan asawa , maysa a construction worker ken residente iti Bgy. Agaga iti ili a Burgos.
Daytoy ket kalpasan a nakita ti PNP-Burgos nga adda umanay nga ebidensiya iti panakipila ti nasao a reklamo kontra kenkuana.
Daytoy ket kalpasan a maipagarup a binagkong na ni Dennis Rivera y Agtarap, agtawen ti 40, naasawaan ken residente met laeng iti nasao a lugar.
Naamwan a ginundawayan ti suspek ti kalintegan na babaen pananggundaway na ti makunkuna a Preliminary Investigation rason a naipaima daytoy iti Ilocos Norte Prov’l Jail tapno kustosyaren da pangiyur-urayan ti pannakadengeg ti reklamo a naipaila kontra kenkuana.
Mipalagip a napasamak ti insidente idi rabii ti Julio 25 bayat a tuimpuar ti saan a panagkinnaawataana dagiti dua.
