LAOAG CITY – Inlawlawag ni Atty Ferdinand Ignacio no apay a masapol a maipila ti kaso kontra iti driver ti truck a nakadinnungpar dagiti dua a menor de edad a puon ti nakatayaan da iti desgrasya idiay Barangay Magnuang iti ciudad ti Batac.
Ummuna iti daytoy, ipila ti PNP-Batac ti kaso a reckless imprudence resulting in homicide kontra kenni Allen Steven Bartolome y Acacio, agtawen iti 34, taga Barangay 6, Parot idiay ili ti Vintar.
Segun kenni Ignacio, adda ti kaso a sangwen ti driver gapo ta isuna ti nakadinnungpar dagiti pimmusay a menor de edad ken daytoy ti responsable iti daytoy.
Nupay kasta, kuna ni Ignacio a ti mabalin a depensa ti driver ti truck ket ti rimwar iti imbestigasyon dagiti otoridad nga immagaw ti linya dagiti biktima kabayatan ti panagkurba da iti nasao a paset ti kalsada.
Inbatad na a madi a mabalin a maibaga a saan a maipila ti kaso gapo ta basol met laeng dagiti natay.
Inpetteng na a ti piskalya ti madeterminar wenno mamgdesisyon no adda ti probable cause wenno basol ti driver.
Innayon na nga awan ti bileg ti pulis a mangpeknek a basol ti driver gapo ta ipila da laeng ti kaso.
