LAOAG CITY – Maisagsaganan ti maipila a reklamo a reckless imprudence resulting to multiple serious physical injury and damage to property kontra iti driver ti kotse kalpasan a nadungpar na ti maysa a tricycle iti Brgy. 24, Sta. Monica, San Nicolas, Ilocos Norte.
Nabigbig daytoy a ni Demetrio Savellano y Paz, 44, ken residente iti Brgy Salumague, Cabugao, Ilocos Sur idinto ti driver ti tricycle ket ni Mark Lester Villanueva, 23, residente iti Brgy. 5, San Ramon iti ili a Vintar, karaman dagiti agina a pasahero na a da Marivic Besas y Andrada, 35 ken ti anak na a menor de edad, residente dagitoy iti nasao a lugar.
Iti inisyal nga imbestigasyon, napasamak ti insidente kabayatan ti panagpadaya a direksyon ti traysikel ken agpapalaud met ti kotse.
Naipataray a ni Villanueva iti Governor Roque Ablan Senior Memorial Hospital (GRASMH), naikabil met iti Black Nazarene Hospital ti ina a Besas ken ti anak na ket iti Laoag City Genaral Hospital para ti pannakaagas dagiti sugat iti nagduduma a paset ti bagida, idinto a saan a naan-ano ni Savellano.
