LAOAG CITY – Manamnama ti panagbubutos dagiti kameng ti konseho ditoy ciudad ti Laoag mainaig iti kaso kontra kenni Barangay Chairman Marilyn Resquir nga inpila da Kagawad Philip Pascual, Jovencio Gaspar ken dadduma pay.
Ti nasao a panagbubutos ket posible a maiyuswat intono bigat kabayatan ti regular session ti Sang. Panlungsod.
Segun kenni Sang. Panlungsod Member RJ Fariñas, nakaisubmitiren dagiti complainants ken respondent ti memorandum ken adda metten ti kopya ti konseho ken namnamaen na a nalpasen a nareview dagiti miembro.
Maipalagip a napilaan ti kaso adminitrastibo ni Resquir gapo iti maipagarop a gross negligence wenno panagpirma kadagiti dokumento a nangipalubos iti pannakaiparuk-at ti pondo iti barangay a maatap nga inusar ti dati a treasurer para iti personal a banag.
Kabayatanna, karaman a madesisyonan ti kaso kontra kenni Barangay Kagawad Rufino Bareng seknan.
Ti kaso administratibo kontra kenni Bareng ket namunganay iti reklamo ni Kapitan Ferissan Felipe seknan iti maipagarop a panagsalungasing ti kagawad iti saan na a panagatendar iti uppat a nagsasaruno a sesyon ti barangay.
